Parish Development Model ehairwe akatabarwa omu mbariirira

236
0
SHARE

Minisiture y’eby’esente eyongyeire embariirira y’omwaka 2022/2023 eya puroguraamu eya ‘Parish Development Model’ kuruga aha shiringi obuhumbi 465 ezi yabaire egihaire kuhika aha shiringi akatabarwa kamwe.

Encwamu egi eizireho bwanyima y’eishengyero okuhabura ku bongyera aha sente za puroguraamu kugira ngu emiruka 10,595 omu ihanga yoona haakiri etungye shiringi miriyooni 100.

Nikyorekwa ngu embariirira y’eihanga ey’omwaka gw’esente eyabaire ekozirwe eyongyeirweho kuruga aha shiringi obutabarwa 43 kuhika ahari shiringi obutabarwa 45.3.

Omu mbariirira y’omwaka gw’esente ei turimu, shiringi obukaikuru 200 zikaba zihinguziibwe ahabwa puroguraamu y’emiruka eya ‘Parish Development Model.’

Gavumenti neteekateekwa okutongozaho puroguraamu egi wiiki erikwija Orwokubanza omu disiturikiti ya Kibuku.

LEAVE A REPLY