Bahati ahigire abanyadiini kushagika entebeekanisa y’emyoga.

216
0
SHARE

Minista w’ihanga ow’eby’amakorero, David Bahati, ashabire ab’amadiini okutandikaho emirimo eraagume nebareetera entasya kugira ngu bagumyeho ekigyendererwa ky’okutunguura ebyanga okutwariza hamwe.

Bahati, kandi hoona ori omuny’ishengyero wa Ndorwa West, abaire ari omugyenyi aha Mukoro gw’ekitongore kitari kya Gavumwnti ekya Compassion International kibaire nikiiha amataagi gakyo abiri omuri Kabale.

Omukoro ogu gubaire ahari St. Peter’s Cathedral, Rugarama omururembo rwa Kabale.

Kurugiirira ahari Bahati, amadiini gaatandika nk’okuhinga emboga, n’emondi nibagumizamu n’emirimo yaabo n’obu abahi b’obuhwezi baakubwemereza.

“Nitusiima omurimo ogu empa-buhwezi barikukora omu madiini kwonka nitwikiriza ngu amaramizo ku gaakutanduka eby’okubareetera entaasya, tukaagumire nitukora emirimo yaitu n’obu bakubaire batakiriho,” nikwo Bahati agizire.

Aha kikwatireine n’esente z’emiruka ezirikwija, Bahati agambeire abanyadiini okushaba abaikiriza okushagika enteekateeka egi egyendereire kuhindura eihanga ahabw’oburungi.

“Aha muheru gw’okwezi oku Purezidenti Museveni naaza kutongozaho esente z’ahamiruka (Parish Development Model). Ogu n’omugisha ogundi gw’abanya Uganda okutemba erindi idaara omu by’entunguuka. Amatsiko agu twine omubanya diini n’okugamba ebigambo ebirikuhiga abaikiriza kwakiira amatsiko masya aga ag’eby’entaasya,” Bahati nikwo ayongyeireho.

Aba Compassion International bakikingire amataagi gaabo omu disiturikiti ya Kabale bwanyima y’okumara emyaka 29 omubuheereza bw’abaana n’eminyeto.

Amataagi aga garimu erya Kabale Child Development omururembo orwa Kabale na Kyisasa Child Development Center omu ishaza erya Ndorwa eya Burengyerwa-izooba.

Bahati asiimire Compassion International ahabwokushagika abaine enjara n’abaana enshoberwa omu disiturikiti kwenda ngu babahinduremu abatuura b’omugasho omu biro by’omumaisho.

Obaire ari Biishopu w’obureberezi bwa Kigezi Rt. Rev George Bagamuhunda, ashabire abazaire, abebembezi b’amadiini n’abandi abarikukwatwaho okuta abaana omu mirimo y’ekanisa baaba nibenda ngu babe ab’omugasho nyensya.

“Twaba nitwenda kureeba ebirungi ebirugire omu Compassion International twine okuta abaana aba omu mirimo y’ekanisa. Obu Kristayo bwabo bwahindurwa nibabaasa kuba abatuura barungi omu biro byomumaisho,” nikwo Bagamuhunda agizire.

N’ebya Job Namanya, Kabale.

WestUpdates

LEAVE A REPLY