Obwitsi omuri Kanungu

264
0
SHARE

Pooriisi omu disiturikiti ya Kanungu eriyo nehiiga omushaija w’emyaka 40 oteematemire abaana 2 akabaitiraho.

Elly Maate, omugambirizi wa pooriisi ey’ekyanga ekya Kigezi yaagamba aha mushaija ogu nka Edward Birungi, 40, omutuura wa Kagarama cell omugomborora eya Kambuga omu disiturikiti ya Kanungu.

Birungi nagambwa kuba akoraise omuhoro kuteematema Tracy Nabaasa,8 na Ian Owembabazi, 3, abaana ba Kato Frank ori omutuura ahakyaro nikyo kimwe.

Maate naagira ngu batungire okumanyisiibwa kuruga owa Ceyamaani w’entebe y’okubanza ow’ekyaro eki, Augustine Mutabazi ku abaana 2 aba baitsirwe muriranwa waabo Birungi bwanyima y’okuteekateekaho ishebo, kuba atwaire nashambana n’omukazi we owataanire naawe wiiki 2 ezihwaire.

Nikigambwa ngu omushaija ogu akwatsire omuhoro, yashanga abaana aba bari bonka omuka bwanyima y’ishebo kuza omu musiri nikwo kubairukanzya akabateematema akabaita akaheeza akabuza amaisho.

Maate naagira ngu emibiri yaabo etwairwe ah’irwariro erya Kambuga HC4 kukyeberwa obwo okucondooza kurikugyenda omumaisho.

LEAVE A REPLY