Abanya-diini mureebere ahari Aakiibishopu Luwum – Museveni

342
0
SHARE

Purezidenti Yoweri Kaguta Museveni yaashaba abanya-diini okuhikiriza obujunaanwa bwaabo obw’okuburira engiri n’okuhabura abaikiriza.

Omubutumwa bwe obwashomwa omuhwezi we, Jessica Alupo omu kushaba kw’omutaano okw’okwijuka Aakiibishopu Janan Luwum okwaba aha kishaayi Kololo eriizooba, Purezidenti Museveni yaagira ngu abanya-diini bashemereire kurebera aha mugyenzi Aakiibishopu Janan Luwum.

Purezidenti Museveni yaayongyera yaashaba abanya Uganda obutatoorana abeebembezi b’ekishobobo abarikuteganisa obusingye bw’eihanga, agumize ngu Luwum akaaba ari eky’okureberaho omu kurwanirira obusingye oihireho obwebembezi bwa Purezidenti Iddi Amin.

Arikuburira, Aakiibishopu w’ekanisa ya Uganda, Owek. Stephen Kazimba Mugalu yaajumirira ebikorwa by’okurubatirira obugabe bw’abantu nka oburi-bw’enguzi, obushuma, okuhamba abantu n’okutuntuza abantu bicumbagize entunguuka y’eihanga.

Aakibiishopu Janan Luwum akaitwa purezidenti Iddi Amin ebiro 16/2/1977 na ba minisita Charles Oboth Ofumbi na Erinayo Oryema.

LEAVE A REPLY