Uganda yatunga Oxygyen Cylinders 1,000 kuruga omu WHO

352
0
SHARE

Minisiture y’eby’amagara yaagira ngu Ugnda tekiri mu kingonzi kya 3 ky’endwara ya COVID19 bwanyima y’abantu abarikukwatwa busya oburwaire obu kuguma nibakyendera mpora mpora.

Minisita w’eby’amagara, Dr.Jane Ruth Aceng yaagira ngu obwahati, disiturikiti 4 zonka ezirimu Kampala, Kabarole, Mpigi na Wakiso ezatunga abarwaire ba COVID19.

Minisita ebi yaabigamba eriizooba Orwakabiri 15/2/2022 obu yaaba nayaakira ‘oxygyen cylinders’ 1,000 ezibarirwemu dollar 230,000 omu sente za America ezaheebwayo ekitongore ky’eby’amagara eky’ensi yoona ekya WHO.

Ogu yaashaba abantu okugumizamu nibakuratira ebiragiro by’okutanga COVID19 lubaasa kurwanisiza kimwe endwara egi.

Omumakuru agandi, Minisiture y’eby’amagara yaahamya abantu 47 abasya abashangiirwe n’oburwaire obu. Omubaro gw’abahaamibwe omu Uhanda kwiha oburwaire obu nibubarukaho bahika 162,802.

Omubaro gw’abarwaire ba COVID19 abari omumarwariro nibaingana 97 kandi abakizire ni 99,684

LEAVE A REPLY