Paramenti yainamira ‘Cowboy’

216
0
SHARE

Enganzi y’eihanga, Robinah Nabbanja eihangwe eri yaahinguza ekitenso ky’okwinamira owabaireho omuny’ishengyero wa Bushenyi-Ishaka munisiparite, Gordon Arinda owafiire 9/1/2022.

Omuhwezi wa Sipiika, Annita Among niwe yaakurira okushutama kwa paramenti eihangwe ry’eriizooba, Orwakabiri ebiro 15/2/2022.

Arinda, ou baingi babaire nibamanya nka ‘Cowboy’ akazaarwa Okwakataano 1969 kandi akajwekyera munisiparite eya Ishaka-Bushenyi kwiha 2016-2021. Omu paramenti eya 10, ogu akakora omu bukiiko obwa PAC ahabwa gavumenti z’ebyanga, PAC ahabwa gavumenti eya rwagati n’ak’enshonga z’aheeru.

Omugyenzi akaitwa oburwaire bwa COVID19 aha 9/1/2022 ah’irwariro erya Mbarara Regional Referral.

Omu karuuru k’eihanga akatairwe Okwokubanza 2021, ogu aketsimbaho omu karuuru k’okukwata ebendera y’ekibiina kya NRM beitu akasingwa ori omuny’ishengyero obwahati, Derrick Kabura.

Arinda naijukwa ahabw’okusinga Odo Tayebwa ow’ekibiina kya FDC omu karuuru kagumire omu mwaka 2016.

Ogu akabaho tauni kiraaka wa Kashenshero ahu yaarugire naaza kwetsimba omu karuuru k’okutoorana.

Ekikubyo kye ‘Cowboy’ rikamanywa na munonga omu minyeeto.

LEAVE A REPLY