Ekiivuru ky’omweshongozi Ruger owa Nigeria kyaikirizibwa.

440
0
SHARE

Omweshongozi wa Nigeria Michael Adebayo Olayinka orikumanywa nka Ruger yaikirizibwa okukora ekiivuru kye.

Poriisi eihangwe ry’eriizooba yaagira ngu ekiivuru eki beetsire ‘Tuli Wawelu’ kyaikirizibwa.

Nyomwebazyo orwamukaaga pooriisi ebingire ababaire baizire kare aha kiivuru eki ahari Dungu Resort Munyonyo bwanyima ya poriisi okuremwa kwikirizana n’abatebeekanisa baakyo.

Ekiivuru eki kibaire kiri eky’okubaho nyomwebazyo orwamukaaga ahari Dungu Resort Munyonyo kyaikirizibwa okugumizamu kikabaho eriizooba Sunday ebiro 13/02/22 bwanyima y’abatebeekanisa okuhikiiriza kandi bakakuratira ebiragiro ebi ab’eby’okwerinda babahaire.

Omuhwezi w’omugambirizi wa poriisi eya Kampala n’emyanya egiherereire, Luke Owoyesigire, niwe yaahamya ebi eihangwe ry’eriizooba.

N’obu ekiivuru eki kyemereziibwe nyomwabazyo, Ruger ou ekyeshongoro kye kikwatsire ahansi n’ahaiguru agumire aine amatsiko ngu nikiza kubaho.

Kurabira aha mukura gwe gwa twitter agizire ati; “Uganda, nkiri aha ab’eby’okwerinda bariyo nibakora obucweka eihembe okureeba ngu omwanya gw’ekiivuru gwarindwa gye kugira ngu nyenkyakare(eriizooba) tugire ekiivuru kirungi.

Munsaasire ahabw’okubateganisa kwonka amagara gaitu ni makuru, kambareebe aha Sande. Mwena nimbakunda munonga”

N’ebya Timothy Murungi

WestUpdates

LEAVE A REPLY