Enyin’emwe bateirwe amasasi ahabw’obutaikirizana bw’itaka omuri Hoima.

351
0
SHARE

Poriisi eteire enyin’emwe amasasi ahabw’obutaikirizana bw’itaka.

Abafiire bamanyirwe nka Rwothupe, ow’emyaka 40 na Aron, boona abatuura b’ekyaro kya Nzorobi, omuruka gwa Nzorobi, omugomborora ya Kabale.

Rwothupe eisasi rimutiire omu kibero kandi Aron ryamuteera omukifuba nikwo boona kufeeraho.

Bagabatiire ahari shaaha nka 1 n’ekicweka z’akasheeshe k’orwakataano ebiro 10/02/22.

Nikigambwa ngu Rwothupe atwire naafa na nyina, orikumanywa nka Tereza, eitaka eririkuhika hiika omu mwanya nigwo gumwe.

Rwothupe atwire naagira ngu nyina atwire nayenda kuguza eitaka eryo ery’eka yaabo.

Eki kigyemesereize nyina okwirukangira aha poriisi ya Kabale omu kasheeshe k’orwakataano bwanyima y’omutabani kumutiinatiinisiriza ngu naaza kumwita ahabw’itaka.

Poriisi eirukangiire ahakyaro kuza kushoboorora enshonga ezi kwonka Rwothupe yabataahirira n’emihiro n’efuka, agumize ngu poriisi nekoragana na nyina ngu baguze eitaka ry’eka yaabo.

Poriisi egyerizeho okuteera amasasi omu mwanya eky’omugisha omubi ababiri baateerwa amasasi agabaire gatabagyendereire.

Joseph Olama orikwebembera ekyaro, agizire ngu ofiisi ye ekagyezaho okutaaha omu nshonga zaabo kwonka zaabakiza amaani nikwo kuboohereza aha poriisi.

Nathan Ahebwa Kansara w’omuruka gwa Nzorobi, agizire ngu ekyaro kyona kishobeirwe ahabw’abatuura baabo 2 kuteerwa amasasi.

Agizire ngu nayenda abaserukare abakikozire bacondoozibweho.

Kurugirira ahari Julius Hakiza Allan omugambirizi wa poriisi w’ekyanga ekya Albertine, tiimu y’abacondoozi kuruga aha Poriisi enkuru eya Hoima bahikire omu mwanya ogu okucondooza oku ababiri aba baisirwe.

Emibiri yaabo etwiirwe omuk’abafu omururembo Hoima okuza kukyeberwa.

WestUpdates

N’ebya Ambrose Niwagaba Katooto

LEAVE A REPLY