Abazaire mukwatanise n’abashomesa b’aabana banyu – Bishop Namanya

452
0
SHARE

N’ebya Eli Akiiza

Bishopu w’obureberezi bwa North Ankole, Rt.Rev. Stephen Namanya naahiga abazaire okukwatanisiza hamwe n’abashomesa bakarwaana mashaija aha mwaana w’eihanga nk’omuringo gw’okutunguura omutindo gw’eby’obwegyese.

Ebi abigambire aha kanisa y’obusabadikoni bwa Kashongi obu abiire natandikaho orugyendo rwe rw’okutaayayira amasabadiikoni goona omu bureberezi obwa North Ankole..

Bishop Stephen Namanya hoona ayongyeire yaashaba enkwatanisa nungi y’abeembezi omu byanga,  eki arikugira ngu nikyo kirikureeta entunguuka.

Ogu ateireho engaro abaroonde barikurenga  omuri 300 kandi yaabashaba okwekwatsa Ruhanga.

Ekanisa Ya Kashongi C.O.Uganda ekatandika omu mwaaka gwa 1942 n’abakuristaayo 10 boonka kwonka obwahati, n’emwe omumakanisa amahango againe abakuristaayo biingi omubureberezi bwa North Ankole.

LEAVE A REPLY