6 bakwatsirwe omuri Mityana

200
0
SHARE

Pooriisi omu disiturikiti ya Mityana eine omukihome kyayo abashaija 6 b’embundu abi eriyo necondoozaho ahabw’ebikorwa byabo ahi babaire baburizeho omuntu n’emotoka ye.

Samson Kisekka, omutuura w’omu tauni ya Kiryokya omu gomborora eya Kalangalo ahambirwe guruupu y’abashaija b’embundu abashazireho ekyaro batyo bakamutwara batamanyeiseho batuura ninga orikukurira eby’okwerinda omukyaro ekyo.

Kisekka n’omushuubuzi w’omuri Kampala kandi hoona nabwo orikutuura Kiryokya ahi akwateirwe akabuzibwaho abanyambundu, abaire yaaheza kuhika omukyaro n’emotoka ye nsya eya Toyota Harrier.

Suuna Golooba, ori Ceyamaani w’ekyaro kya Kiryokya naagira ngu ab’eby’okwerinda aba babaire bari 5 n’omukazi omwe boona baine embundu obwo barikutamburira omu motoka y’ekika ekya Saloon.

Ignatius Otong, ori omuduumizi wa pooriisi ahabw’ekyanga ekya Wamala yaayanga kugamba aha nshonga egi beitu yaahamya okukwata kw’abantu 6 kandi ngu bariyo nibacondoozibwaho.

LEAVE A REPLY