3 baakwatiirwe obushuuma omuri Sheema

410
0
SHARE

N’ebya Bruno Mugizi.

Pooriisi omu disiturikiti ya Sheema  eine omunkomo yaayo abantu 3 ab’eka emwe ahabw’okwiba piki.

Abakwatsirwe boona n’ab’eka emwe kandi 2 omuri bo i n’abavugi ba Boda boda omutauni ya Kabwohe.

Pooriisi teyenzire kugamba amaaziina g’abakwatsirwe obutenda kuteganisa omu kucondooza kwaayo.

OC  Station wa  Kyabandara Police Post, Corporal Enock Abaine yaahamya amakuru aga kandi yaagira  ngu abakwatsirwe  obwahati bakumiirwe aha pooriisi ya kabwohe obwo okucondooza kuriyo nikugyenda omumaisho.

Ogu naagira ngu piki ebire eyibirwe ni Reg: No UEQ 010N kandi ekaibwa kuruga ahabara ya Labamba omu tauni ya Kabwohe aharwakashatu.

Omwe  ahabashatu abakwatsirwe ou poriisi etenzire kwatura amaziina gye  agiizire ngu piki bagishangire omumwani gwabo ngu beitu babaire baatagibire.

Muhwezi Tananzio, ori omuvugi wa boda boda agizire ngu natangaara munonga kureeba ngu omuvugi wa boda mutaahi waabo niiwe arikubanyangaraza n’okwiiba piki zaabo.

#WestUpdates

LEAVE A REPLY