Ow’emyaka 32 yaakwatwa aha mushango gw’okwenda kwita – Rukungiri

406
0
SHARE

Pooriisi omuri Rukungiri eine yaakwata omukazi w’emyaka 32 orikugambwa kuba acumitsire iba akatsiga amara garikurereta.

Elly Maate, Omugambirizi wa Pooriisi ey’ekyanga ekya Kigezi yaagira ngu owakwatwa ni Patience Natukunda aka Kabaya, omutuura w’ekyaro ekya Ncwera, omuruka gwa Rwenshama, omugomborora eya Bwambara disiturikiti eya Rukungiri.

Nikigambwa ngu Natukunda agarukire omuka shaha 5 z’ekiro asinzire, enshonga eretsire yatoongana n’omushaija we Siraji Monday, orikukora ogw’obujubi ahanyanja eya Edward.

Ababiri aba batongaine kumara nk’eshaha 2 nikwo omukazi kukwata omusyo akacumita iba ahanda amara gakashohora.

Siraji yaatwarwa ah’irwariro erya Nyakibale ari omumbera mbi ahu ariyo natungira obujanjabi obwahati.

LEAVE A REPLY