Gavumenti eyombekyere eka ya Mutebile – Abany’eishengyero

224
0
SHARE

Abany’eishengyero abamwe abahika omu rushutamo rwa paramenti orw’eriizooba orw’okwinamira obaire ari Governor wa Bank of Uganda baahayo ekiteiso eky’okugira ngu gavumenti eyombekyere ab’eka ya Mutebile enju hamwe n’okubahereza entanda y’omutaano.

Ekiteiso eki kyaretwa omuny’ishengyero w’ishaza rya Bukoli, Solomon Silwany owakyoreka ngu hariho ekyetengo ky’okushagika ab’eka y’omugyenzi Mutebile nk’oku akoraire gye eihanga rye.

Beitu hoona abanyeishengyero baahayo ebiteekateeko bitarikushishana ahanshonga egi.

Omuny’ishengyero owa Buyaga West, Bernard Tinkasimire yaashagika ekiteiso eki atyo nikwo kushaba abanyishengyero batahi be kukishagika agumize ngu aka n’akamanyiso k’okusiima omugyenzi Mutebile ahabw’emirimo ei yakozire.

Beitu hoona okucwamu ahanshonga egi kwayongyezibwayo bwanyima y’enganzi y’eihanga, Robinah Nabbanja kugira ngu nibetenga kwebuza ahabantu abandi gavumenti etakahaireyo ripoota ahanshonga egi omu paramenti.

Prof. Emmanuel Tumusiime Mutebile afiire aha Sunday kandi naija kuziikwa Sunday ebiro 30/1/2022 omumakagye omu munisiparite eya Kabale.

LEAVE A REPLY