Mutebile abaire ari omukugu ow’omutaano omuby’esente – Museveni

424
0
SHARE

Purezidenti Yoweri Museveni yagamba ahari Emmanuel Tumusiime Mutebile, obaire naakurira banka enkuru ya Uganda, nk’obaire ari omukugu omuby’esente kandi omukozi w’obucureera.

“Ninshaasha ahabw’amakuru g’okufa kwa Gavana Mutebile. Abaire ari omukozi omwecumi kandi obaire ari omukugu omuby’esente n’entaasya,” Purezidenti Museveni, arikuhayo obutumwa bw’okushaasha aha Twitter eihangwe eri.

Emmanuel Mutebile afiire akasheeshe ka nyomwabazyo ah’irwariro erya Aga Khan omuri Nairobi, Kenya ahamyaka 72. Omubiri gwe nigwija kureetwa omu eihanga nyencakare Orwakabiri, ebiro 25/1/2022.

Museveni yaagira ngu Mutebile, Gavana wa 9 owa banka enkuru y’eihanga naija kwijukwa ahabw’okutunguura eby’entaasya y’eihanga.

“Ninshaasha n’eka ye hamwe n’abanyabuzaare. Ruhanga amuheereze ekihuumuro eky’obusingye,” Purezidenti arikugamba.

LEAVE A REPLY