Omu pooriisi obaire nateekateekwa kuba afiire, ahuriire

439
0
SHARE

Omu pooriisi w’ahanguuto owayihirwe Nakulabye omuri Kampala ekiro ky’orwakana yaaheza kuteerwa ekikunga-musisa ky’abantu obaire nateekateekwa kuba afiire yashangwa omuk’abafu ahari Mulago ahuriire.

Omu pooriisi ogu, Harshim Mwenyi yaashangwa ahuriire abakozi omuk’abafu ari omumbeera mbi nikwo kwirukangizibwa omu irwariro kutunga obujanjabi.

Orikunywanisa pooriisi n’eby’obutegyeki, Asan Kasingye arikurabira aha Twitter yaagira ngu kyaba eky’okutangaaza kushanga Mwenyi ahuriire.

Kasingye yayoreka ngu Mwenyi, omu pooriisi w’ahanguuto omu disiturikiti ya Tororo akateerwa ekikosi ky’abantu ahantaagurukano ya Makerere – Nankulabye omururembo Kampala bwanyima y’omukundwa we kuteera enduuru arikumujunaana kwiba esimu ye ekiro ky’orwakana.

Omuhwezi w’omugambirizi wa Pooriisi eya Kampala n’ebicweka ebigyehinguririize, Luke Owoyesigyire yaagira ngu pooriisi yatungire akatambi k’ebishushani omukyanga eki kuhwera omukutunga abayejumbeire omu kikorwa eki.

LEAVE A REPLY