Minisita Nankabirwa yaashoborora ahanshonga y’amajuta

404
0
SHARE

Minisita w’eby’amashanyarazi n’obugaiga bw’omwitaka, Ruth Nankabirwa naagira ngu ekiretire emihendo y’amajuta kweyongyera n’ahabw’ebizibu ebiri ahansharo ya Uganda na Kenya.

Nankabirwa nashoborora ngu ekitongore ky’emishoro omu Uganda ekya URA kibaire kiine ekizibu na scanner ekiretire habaho okukyerererwa beitu naagira ngu ekizibu eki kikozirweho.

Minisita Nankabirwa yaayongyeraho ngu ekiragiro ky’okukyebera abavugi b’ebimotoka ebihango oburwaire bwa COVID19 ahansharo nakyo kiretire habaho okukyerererwa.

Beitu yaarabura abarikuguza amajuta okwerinda okwiba abanya Uganda sente zaabo obwo barikurabira omukwongyeza emihendo y’amajuta.

Minisiture y’eby’amagara ebaire eihireho ekiragiro ky’okukyebera abavugi b’emotoka empango ahabwakanya-bwanya kwenda kwihaho omwijurirano gw’ebimotoka by’emigugu ebyemerire ahansharo ya Uganda na Kenya.

LEAVE A REPLY