Faisal arugire Kajara United FC yaaza omuri NTODA FC

437
0
SHARE

N’ebya Elias Rutugusa

Obaire ari Kaputeni wa kiraabu ya Kajara United FC Akim Faisal, 17 ayegaitsire aha kiraabu ya NTODA FC erikuzaana omu mpaka za #Regional_League.

Faisal akooreka omutindo murungi omwaka oguhweire obwo arikuhwera Kajara Utd FC okumarira omu mwanya gwa kashatu omumpaka za Ntungamo Cup.

Akateba goora 8 omu mizaano 6 Kandi ahari Kajara Utd abateebeire goora 25 omumizaano 13. Ogu n’omwegi wa siniya ya 4 ahishomero rya  Ruhama Central SS omuri Ntungamo.

Niwe muzaani okirizeyo okuteebera Kajara Utd za goora okwiha etandikwaho omukwezi kwa kashatu 2021.

Faisal ateire omukono ahandagaano y’emyaka 3 Kandi tiimu ya NTODA FC neija okumushomesa, oteireho n’okumuhwera omubindi bintu.

Faisal abeire nayetengwa kiraabu ezindi omuri Burengyerwa eizooba ezirimu Six O’Clock FC eya Bushenyi, Gollira Highlands eya Kigezi hamwe na Lions Sports Academy eya Ntungamo.

#WestSports

LEAVE A REPLY