Owaabeireho MP wa Bushenyi, Arinda Gordon, yaitwa COVID19

330
0
SHARE

N’ebya Chris Mugasha


Abantu omururembo rwa Ishaka-Bushenyi bari omukucuramirirwa bwanyima y’owabeireho omujwekyerwa waabo omu ishengyero rya 10, Hon Arinda Gordon ‘Cowboy’ kuruga omumagara g’ensi egi.


Cowboy, nk’oku baingi babaire nibamumanya, yaaitwa endwara ya COVID19 bwanyima y’okugyezaho n’agye kurwana nayo ah’irwariro erikuru erya Mbarara. Amakuru nigooreka ngu Gordon akakwata akakooko ka corona aha Noohiri. Na bwanyima akairukangizibwa ahari Mbarara Regional Referral Hospital ahi atwire kuruga obwo.


Gordon akajwekyera orurembo oru kuruga omugwa 2016 kuhisya ogwa 2021. Akeesimba omukaruuru k’okukwatira ekibiina kya rwangisiriza ebendera beitu hoona yasingwa omujwekyerwa oriho obwa hati Derrick Kabuura.


Bwanyima y’okusingwa akaruuru k’ekibiina, Arinda akaba ari omwe omuri ba MP abacweiremu kureka kwesimba nk’abataine bibiina beitu bakagaruka bakacwamu kushagika owaabasize kwebembera ekibiina.
Arinda naijukwa ahabw’okukuura ekikongi Odo Tayebwa omukaruuru akaabeire kanyinyitsire.


Ogu kandi hoona nabwo akaba ari Tauni Kiraaka wa Tauni Kanso ya Kashenshero ahi yaahuumwire atakatandikire kuza omuby’obutegyeki
Ogu akabaho Tauni Kiraaka wa Disiturikiti ya Bushenyi. Omugyenzi akashwera omu daaki kuruga omu ihanga erya Netherlands kandi eka netuura Budaaki.


Eiziina Cowboy niryo ryareetsire yakundwa abantu baingi na munonga eminyeto. Atwire omumagara g’abantu ba buriijo kugira ngu n’obu aruga omu ishengyero akapakiriraho ebintu bye yaagaruka Bushenyi kutuura n’abantu be.

Nibwo abaire aherize kwombeka hoteeri ye akashozi ka Tank Hill ebaire etandikire kukora okwezi kumwe okuhwaire

WestUpdates

LEAVE A REPLY