Kiraabu za Basketball niziteekwa kwehandiikisa – FUBA

278
0
SHARE

N’ebya Brian Asiimwe

Obwo okutandika kw’empaka za National Basket Ball eza 2022 kuri kwirira haihi, obujunaanizibwa bw’okutunga ebirikwetaagisa kutunga amabaruha g’okuzaana hati bwegyekyereirwe za tiimu zonka

Ekibiina ekirikukurira omuzaano ogu ekya Federation of Uganda Basketball Association (FUBA) kiteireho ebiro 11 okwezi kwa 3 ahabw’abashaija n’abakazi bwanyima y’okwerezibwa kumara emyaka 2.  

Okurugiirira ahari ahamuhwezi wa mukuru w’ekibiina ekya FUBA orikujunaanizibwa eby’amakuru, Arnold Katabi, engyenderwaho ezaateirweho zigumeizemu n’okwinegyeza entunguuka omumuzaano. “Okuha za kiraabu ebihandiiko ebirikubaikiriza kuzaana kutandikirweho siizoni egi kandi n’okwa buri kiraabu. Ziine kuba zihandiikirwe kandizirikwebemberwa aharurengo orw’ahaiguru. Za kiraabu zikamanyisibwa ahari eki omwaka oguhwaire mbwenu haine eki barikumanya ahantwaza eriyo neija n’obu haraabe habairemu okuteganisibwa kw’endwara ya COVID19,” Katabi nikwo arikugira.

“Kiraabu zoona ziine kuza omumpaka ezi ahamurundi ogu ahabw’okuba nibaija kufubirwa ku baraabe batehandikiise. Twine kuta omuzaano ogu ah’idaara erindi.” Okwongyerera ahabiragiro by’okwehandiikisa ebi, ebitanguhi, kuruga omukibiina ekirikukutegyeka omuzaano ogu, okusirika abazaani n’abahagizi omu siizoni yoona ni kwija kuba kuri okw’omugasho munnga. “Nitwija kusirikisa abazaani baingi nk’oku kirikubaasika kandi tuhigye n’abahagizi nabo kusirikisa,” Katabi nikwo arikugira.

Emizaano neija kuba neyorekwa ahari za Tiivi omubwire obu obw’okuteganisibwa #COVID19.

#WestSports

LEAVE A REPLY