Omwe yaafeeraho omu butandu aha rwa Lyantonde-Mbarara.

688
0
SHARE

Habaho butandu akasheeshe k’eriizooba ebiro 24/12/2021 nka shaaha 12 aha ruguuto orwa Kyapa-Lyantonde-Mbarara ahagati ya baasi y’ekiika ekya Tausi namba UBK 516S eyaba neruga Ishaka/Mbarara erikuza Kampala hamwe na Fuso namba UBD 193P eyaba epaakire shukari erikuza Mbarara.

Samson Kasasira, omugambirizi wa poorii ey’ekyanga ekya Rwizi yaagira ngu dureva wa baasi owamanywa nka Ntifayo Siraji yaafeeraho kandi owa Fuso yatooroka bwanyima ya butandu.

Abashaabazi tibatunga buhuta bw’amaani.

Nikigambwa ngu Fuso yaaba negyezaho kuraba aha motoka y’ekiika kya Wish etamanywa omu koona nikwo kutoomerana na baasi.

Orikukurira pooriisi ey’ahanguuto yaahiika aha mwanya ogu butandu yaabamu.

Abahuutara baatwaarwa omu irwariro Lyantonde kandi omubiri gwa dureeva gwatwaarwa omu kabafu ah’irwariro erya Lyantonde kukyeberwa.

#WestUpdates

LEAVE A REPLY