Ekitongore ky’eby’obwegyese kyashohoza ‘calendar’ y’amashomero.

494
0
SHARE

Ekitongore ky’eby’obwegyese kyashohoza ‘calendar’ y’amashomero okugira ngu abeegi boona aba Nursery, Primary na Secondary baine kugaruka aha mashomero ebiro 10.01.2022.

Arikushohoza ‘calendar’ egi aha kishaayi kya Kololo, Minisita w’eby’obwegyese n’emizaano Janet Kataaha Museveni yaagira ngu, taamu y’okubanza neija kumara wiiki 14 kuruga ebiro 10.01.2022 kuhisya ebiro 15.04.2022 na bwanyima abeegi baze omukihuumuro kya wiiki 3.

Yayongyeraho ngu taamu ya kabiri neija kumara wiiki 14 kuruga ebiro 9.05.2022 kuhisya 19.08.2022 na bwanyima abeegi baze omukihuumuro kya wiiki 3.

Taamu ya kashatu neija kutandika ebiro 05.09.2022 kuhisya ebiro 09.12.2022 hakurateho ekihuumuro kya wiiki 7.

Okurugiirira ahari Hon Janet, ekitongore ky’ebigyezo omu ihanga, ekya UNEB, nikiija kushohoza ‘calendar’ yakyo oku ebigyezo by’okuhendera omwaka biraakorwe n’obu abeegi barayehandiikise.

#WestUpdates

LEAVE A REPLY