Nitwenda kugarukamu ekyafaayo omu Uganda Cup – Bugamba FC

223
0
SHARE

N’ebya Aloysius Byamukama

Ekirungi ky’empaka ezi barikukusinga okarugamu n’okugira ngu abahango tibarikukira kwanguhirwa kuzirabamu nk’empaka ezindi. Beitu hoona n’empaka ahi orikushanga n’abakye batangaaza abahagizi obwo barikusinga abahango.

Ahakugaruka kwa za kiraabu enkye ez’ebyanga omumpka ezi eza Uganda Cup ogundi murundi, niho orikureebera amashemererwa, obuhagizi obw’ahamutima n’etware-tugyende byona birikugaruka.

Empaka z’omwaka ogwa 2020, zikaba zirimu tiimu 32 ez’omumpaka ez’amaani eza Uganda Premier League na FUFA Big League ahabw’okuba ekibiina ky’omupiira gw’ihanga ekya FUFA kikaba kiine kugyendera ahamihingo eyabeire eteirweho ahabw’endwara ya #COVID19.

Beitu ahamurundi ogu, tiimu ez’ahansi nazo ziikiriziibwe kuza omumpaka ezi kandi omubyanga 8, buri kyanga nikiija kuba kiine encuro y’emizaano ahi tiimu ezimwe zirikusingwa kandi zikashohora omumpaka ezi reeru tiimu 3 eziraarabeho nizo ziraabe nizijwekyera ekyanga. Tiimu 24 niziija kwegaita ahari tiimu 8 ezitaine ezi zirikuzaana hamwe na tiimu 32 ez’omu liigi y’okubanza n’eya kabiri (Uganda Premier League na FUFA Big League) omuncuro eya tiimu 64

Ekyanga ekya Burengyerwa-izooba kyo kihandiikiise tiimu 19 kandi ogu nigwo mubaro muhango ogu ekyanga eki kyarahandikiise kuza omumpaka z’okuriituuranira emyanya 3 ey’ahancuro ey’eihanga erikuba erimu tiimu 64.

Omukaruuru akakozirwe nyomwabazyo, orwakabiri, tiimu 19 zirimu Bugamba FC, eyatangaarize ensi yoona omugwa 2019 obwo erikugutura Onduparaka, eyabeire neyosya obwire obwo omu Uganda Premier League, etyo ekagisinga na goora 1 ahari 0 ahakishaayi kya Kabatangare omu disiturikiti ya Rwampara. Bugamba hoona ekaija yasingwa Light SS na goora 3 ahari 0 omuncuro eya tiimu 32. Yo tiimu eya Six O’clock, ekagwa kikazi na Kitara FC (eyabeire eri omu Uganda Premier League) beitu baarugiramu omubwina.

“Twine amatsiko g’okuraba omururengo rw’ebyanga kandi orutanguhi reeru tugarukye tuhikye aharurengo rw’ihanga.
Tukakoraho ekyafaayo, beitu n’obu endwara eraabe yaatukwatsiremu, nitwija kugaruka nitukora ekyafaayo ekindi,” nikwo, Salim Twaha, omutendeki wa Bugamba FC arikugira.

Ebyanga ebi bishemereire kuba byahaireyo tiimu 3 omu FUFA ezirikuza kujwekyera butakahikire ebiro 22.12.2021 kuza omukaruuru aka tiimu 64.

Ab’amaani abaateirwe ekyekango ky’okuruga omumpaka ezi ni Vipers SC bwanyima y’okushozibwa Kajjansi ahabwina obwahweire 5 ahari 4 bwanyima y’okugwa kikazi na goora 1 ahari 1 omugwa 2019.

Omumwaka nigwo gumwe Busoga United ekaguturwa Busia Young na goora 2 ahari 1, Free Stars baahonda Bright Stars ahabwina na goora 4 ahari 3 na SC Villa ekateerwa Nkambi Coffee 2 ahari 0 kandi hoona nabwo aba bakaba baateirwe Kiboga Young goora 5 ahari 4 omubwina omuncuro eya tiimu 32 omugwa 2016

WestUpdates

LEAVE A REPLY