Omushango gwa Ssegirinya na Ssewanyana gwayongyezibwayo

226
0
SHARE

Kooti yayongyezayo omushango ahu abany’ishengyero 2 barikujunanwa ogw’obwitsi.

Abahababi obwo bebembeirwe Richard Birivumbuka bashaba kooti okwongyezayo okuhurira omushango ogu bagumize ngu okucondooza tikukahwaire ngu kandi nibetenga obwire obundi.

Abany’ishengyero aba, Allan Ssewanyana owa Makindye West na Muhammad Ssegirinya owa Kawempe North nibajunaanwa okwita Joseph Bwanika.

Abahababi nibagira ngu ekikorwa eki kikabaho ebiro 2/08/2021 omukyaro ekya Kisekka ‘A’ omugomborora eya Kisekka omu disiturikiti eya Lwengo.

Ssewanyana na Ssegirinya barebukaho omu maisho g’omuramuzi wa kooti y’idaara ry’okubanza eya Masaka, Grace Wakooli kurabira aha mukuura gwa kanyabwengye ogwa zoom kandi omuramuzi yayongyezaho okuhurira orubanja rwabo 21/12/2021.

Beitu atakongyeizeyo omushango ogu, Ssegirinya yashaba omuramuzi kuhandikira ekihome kya Luzira arikukiragira ngu aze kutunga obujanjabi, we n’abatsibe batahi be hamwe n’okubeikiriza kuza omu maramizo.

LEAVE A REPLY