Eishengyero ryahinguza ekitenso ky’okutunga eza NSSF

146
0
SHARE

N’ebya Henry Ssekanjako

Eishengyero, bwanyima y’okuhinduramu, ryarabyaho ekiragiro  ekirikwikiriza abantu kwihayo sente ezi batwire nibabiika n’ekitongore kya biikira nyensya ekya NSSF, n’obu ba memba baakuba bakiine emirimo yaabo.

Eishengyero obwo rikuriirwe omugambirizi Jacob Oulanyah, ryahinguza ekashonshorekye aka 12 barikuhinduramu ahaku ba memba barikubaasa kutunga sente zaabo obwire n’obu bwakuba butakahikire.

“Memba kandi hoona orikuba abiikire n’ekitongore naija kwikirizibwa kutunga sente ze obwire bw’okuziihayo butakahikire,” nikwo akashonshorekye karikugira.

Akashonshorekye hoona nikongyera kagira ngu; omuntu oraabe aine obumuga ahamubiri, ahikize emyaka 40 n’okugumizamu ah’iguru, abiikire n’ekitongore, nk’oku akacweka ka 7 karikugira, kumara emyaka 10, nabaasa kwihayo ebicweka 20 ahari 100 bya sente ze, n’obu obwire bw’okuziihayo bwakuba butakahikire.”

Arikugamba, bwanyima y’okuhinguza eiteeka eri, Oulanyah yaagira ngu, “eriizooba ninza kutunga obwikizo. Ntwire nintunga esimu ahandiijo kuruga omubakozi b’eihanga eri. Eishengyero ryahikiiriza ekitenso eki kandi obwa hati abakozi nibabaasa kutungaho ebicweka 20 ahari 100 ahasente zaabo ezi batwire nibabiika”.

Obwa hati ekitenso eki n’eky’okuza owa mukuru w’eihanga kukihamya, reeru kikahinduka ekiragiro.

Ekitenso eki kikabanza kureetwaho eishengyero erya 10 beitu kyeija  kyagaruka omu ishengyero rya 11 kwenda ngu mukuru w’eihanga akiteeremu tooki reeru abaase kukiikiriza

LEAVE A REPLY