Banka zibe zemereize rooni z’amashomero – Minista Janet

165
0
SHARE

N’ebya Henry Sekanjako

Minista w’eby’obwegyese n’emizaano, Janet Kataha Museveni yashaba za banka okuba zemereize rooni ezi barikubanja amashomero ag’abantu buntu.

Arikurabira aha mukuura gwa Twitter eriizooba Orwakabiri 23/11/21, Janet Museveni yaagira ngu agizireho orukiiko n’abarikwebembera obukiiko bwa za banka kandi enshonga enkuru ei bagambireho n’amashomero ag’abantu buntu agaatungire rooni kwonka ezitarikukora.

“Ninshaba banka omu Uganda kuba bemereize rooni ezi barikubanja amashomero kuhisya obu garatandikye kukora. Eki nikiija kubahwera kutunga sente z’okushashuza rooni ezi barikubanjibwa,” Minisita Museveni arikuhandiika.

Ebigambo bye nibiijaho omu bwire obu gavumenti erikweteekateekyera okwigura amashomero omukw’okubanza omwaka ogurikwija.

Amashomero ag’abantu buntu gatwaire nigashaba gavumenti kubahwera omu kushashura obusiriira bw’esente ezibarikubanjibwa omu ma banka.

LEAVE A REPLY