Nitweija kukwata sente, ebyoma omu mabaara nk’ebizibiti – IGP Ochola

161
0
SHARE

Pooriisi neija kukwata esente , ebyoma n’amaarwa omu mabaara agarashangwe gaigwirwe.

Nk’omuringo gw’okuhikiiriza ebiragiro by’okutanga COVID19, mukuru wa pooriisi y’eihanga Martins Okoth Ochola yaaragiira abaduumizi ba pooriisu kuronda emiringo y’okutaahirira amabaara hamwe n’emyanya y’okushemerererwamu.

Arikuhayo obutumwa bwa Ochola aha kitebe kikuru kya pooriisi omuri Naguru eriizooba, Fred Enanga, omugambirizi wa pooriisi yaagira ngu abantu bagumiizemu kushemerererwa omu mabaara obwo batarikukuratira ebiragiro by’okutanga okujanjaaza akakooko ka COVID19.

“Titurikumanya ahabw’enki abanya Uganda mutaine kugumisiriza. Ebikozeso ebi turashangye omu mabaara nka furiigi, emizindaaro, amaarwa hamwe n’esente nitwija kubitwara nk’ebizibiti,” Enanga nikwo yagamba.

Ogu yaagira ngu gamwe ahamabaara agatwaire nigakora omu kishobobo harimu Drew and Jacs, Xhub omuri Najjera n’agandi.

Enanga yaagira ngu baine amatsiko ngu mukuru w’eihanga naija kwigura eihanga Okwokubanza 2022 beitu ngu kwiha hati, nibeija kukora ebikwekweto kukinga emyanya y’okushemerererwamu erikukora.

Ebikwekweto ebi nibiija kukorwa omu mabaara, baasi, takisi n’endiijo emyanya.

LEAVE A REPLY