Ebi poorisi yaamanyisa ahakubarukaho kwa za bomu

245
0
SHARE

Kamusiime Cynthia

Poriisi yaahamya abantu 6 abaafa, 33 bahutaara eriizooba omu bomu 2 ezaabarukaho omuri Kampala.

Omuri aba 6 haaba harimu 3 abayebarukizaho bomu 2 ezaabarukaho omuri Kamapala. Abantu 33 nabo baahutaara kandi baatwarwa omumarwariro.

Poriisi yaagira ngu baagwa aha muntu owa kana owaaba nateekateekwaho okubarura bomu, baamuteera eisasi eryamuhutaaza kandi baategura na bomu endiijo omuri Nansana – Kampala.

Omugambirizi wa Pooriisi Fred Enanga yaagira ngu eihanga ryahamya okwebarukizaho bomu okw’emiringo ebiri omuri Kampala eriizooba aha Rwakabiri ebiro 16.11.2021 ahagati ya shaaha 4:03 na shaaha 4:06 z’akasheeshe.

“Bomu y’okubanza yabarukira haihi n’ahi barikukyeberera abantu aha CPS omuri Kampala shaaha 4:03 z’akasheeshe. Akatambi ka kamera nikooreka oku omushaija owaaba ajwaire ebirikwiragura aheekire enshaho yayebarukizaho bomu kandi akafeeraho beitu ekyareetera abandi bantu nabo baahutaara abarimu abapooriisi na n’abazahambuki bari omu mita nka 30 okuruga ahi bomu yaabarukira. Abandi bantu 2 baahamibwa kuba baafa kandi 17 batunga obuhuta bw’amaani” Fred Enanga nikwo yagamba.

Yagira nu endijo bomu yabarukaho bwanyima y’edakiika 3 ahanyima y’ey’okubanza kubaruka.

#WestUpdates

LEAVE A REPLY