Ba riifuri ba Taekwondo bongyeire baashomesibwa

187
0
SHARE


N’ebya Silvano Kibuuka

Purezidenti w’akaanya-bwanya ow’ekibiina ekirikukurira omuzaano ogwa Taekwondo omu Uganda, Marvin Baryaruha ayorekire okushoberwa kwe bwanyima y’okumanya ngu omuzaano gwa Taekwondo tigurikwija kuba omumpaka z’emizaano ya Commonwealth erikuza kubaho omuri Birmingham omugwa 2022.

Ogu abeire naaha ebihandiiko ba riifuri 24 bwanyima y’omushomo gw’omuzaano omuri Luzira ahi ababeire bari omushomo ogu batwire omukwetebeekanisiza empaka z’okwegyezamu aharurengo rw’ihanga ezatandika eriizooba omuri Nsambya omururembo Kampala.

“Ku natungire amakuru ngu Taekwondo tigurikwija kuzaanwa omumizaano ya Commonwealth. Nimpamya ngu tubaire nitwija kusingurayo emidaari ahaabw’okuba abazaani baitu baine ekirikwetaagisa kusingura. Kwonka titurikwija kuhwamu amaani ahabw’okuba ebintu nibibaasa kuhinduka oreebe omuzaano baaguta omumpaka ezi. Nitwija kugumizamu n’empaka ahabw’okuba twine kukora tiimu y’ihanga kuzaana omumizaano eraabe eri omuri Kenya omubwire bwa wiiki 2,” nikwo Baryaruha arikugira.

Ayebarize abagiire omumushomo ogu hamwe n’omuKorea oine Black Belt na Master David David Seonguam Hong oshomeise ba riifuri omumushomo ogu.

“Omushomo ogu gwiziire omubwire ahabw’okuba harimu ebiragiro bisya omumuzaano. Omwaka ogurikwija nitwija kuba nituzaana emizaano buri kaire. Kandi nitwija kuba nitwenda ba riifuri baingi,” Baryaruha nikwo arikwongyeraho.

Abashaija n’abakazi barikuhika omuri nibaija kuba nibahayana omumpaka ezi ez’okutooranamu abarajwekyere eihanga

Abarikuza omumpaka ezi n’abaraabe barabire kandi basingire empaka ez’ebyanga ezibaireho omubyanga ebya West Nile, Acholi, Lango, burengyerwa-izooba hamwe na Buganda omumadaara gatari gamwe na gamwe kuza omuri kamariirizo. #WestSports

LEAVE A REPLY