V.P Alupo yaagarukanisa Nabbanja na Onek

429
0
SHARE

N’ebya Charles Etukuri 

Omuhwezi wa Purezidenti Jessica Alupo eriizooba Orwakana 4/11/2021 yaagarukanisa enganzi y’eihanga Robinah Nabbanja hamwe na minister w’empungi n’ebigwererezi,Eng.Hillary Onek.

Onek hamwe na Nabbanja beikiriza okukora hamwe ahabw’oburungi bw’ihanga bwanyima y’okubuganaho n’omuhwezi wa purezidenti.

“Twagiraho orukiiko kandi embaju zombie beikirizana okukora hamwe. Twikirizana enshonga ezimwe kuzikwatsa aha rubaju kandi tukakwatanisa ahabw’oburungi bwa Uganda,” Alupo nikwo yagamba bwanyima y’orukiiko oru.

Orukiiko orwaba rukurirwe omuwhezi wa Mukuru w’eihanga, Maj.Rtd Jessica Alupo rwayeetabwamu Gen.Moses Ali,omuhwezi w’enganzi y’eihanga owakabiri, Lucy Nakyobe omuhandiki mukuru wa kabineeti n’abandi bakuru.

Alupo yaagira ngu ababiri aba baraganisa okwebwa enshonga ezibabaire baine kandi kukora nk’omuntu omwe.

Orukiiko oru nirwiijaho bwanyima ya Minista Eng.Onek kuhandika ebaruha arikujunana enganzi y’eihanga, Robinah Nabbanja ahabw’okurubatirira emirimo ye hamwe n’obutaheereza ekitinisa offiisi ye. Nabbanja akamugarukamu arikugira ngu Onek aine emicwe mibi kandi tarikwija kwikiriza obweremwa.

#WestUpdates

LEAVE A REPLY