Misagga amazire abahagizi ba Nyamityobora amatsiko

502
0
SHARE

N’ebya Aloysius Byamukama

Okurekura kw’obaire nayebembera kiraabu ya Nyamityobora Ben Misagga kwakiire abahagizi ba Nyamityobora beitu hoona abatsigaire batarikukyenga ekirikugyenda omumaisho.

N’obu bakye omuri bo bangire kukigambaho, baingi barugireyo bayoreka okwerarikirira kwabo ahi kiraabu eyorekyereire bataine Misagga nka Purezidenti

“Nyine okutiina kugira ngu nitubaasa kuremwa kuhikiiriza eky’okugira ngu naitwe tuze omumpaka za Uganda Premier League siizoni egi,” Eddie Kayemba nikwo arikugira.

Misagga akahayo ebaruha ye y’okurekura ahakutandika kw’okwezi oku ahi, kurugiirira ahakihandiiko kuruga omu kiraabu, yaayakiirwe kandi ekagarukwamu omureeberezi wa kiraabu egi Ali Ssekatawa obwo arikwikiriza okurekura kwe.

“Ntwire nshemereirwe kumara obwire bwona obu mmazire na Nyamityobora kandi nimbasiima n’ahabw’okumpeereza n’omugisha beitu hoona nyine kweyongyerayo kukora emirimo endiijo. N’ahabw’ekyo nindekura obusingye, obujunaanizibwa hamwe n’ekitiinisa nka member kandi Purezidenti wa kiraabu ya Nyamityobora,” kimwe ahakicweka omubaruha ya Misagga nikwo kirikugira.

Misagga abaire ari ahakibiina ekirikwebembera kiraabu ya SC Villa kandi ari Purezidenti wa Nyamityobora kandi nikiteeberezibwa ngu okurekura kwe kwine akakwate n’eby’okwesimba ahabwa Purezidenti wa kiraabu ya SC Villa

Hoona ahakugamba na Misagga, agizire ngu tagyendeire kimwe kuruga omuri Nyamityobora kandi tihaine eki agambire ahaby’emirimo ei arikuza kukuratsaho.

“Tikirikumanyisa ngu mbaire ninshagika Nyamityobora kwonka ngu ahabw’okuba mbaire ndi Purezidenti.  Ntwaire ninshagika Nyamityobora kandi ahi ndikugambiraebi turiyo nituteebeekanisa okutandika kurungi empaka za Big League. Nkiri omushagiki w’amaani owa Nyamityobora n’obu ndaabe ntakiri Purezidenti,” Misagga nikwo agizire.

Misagga obwa hati ahamataane abiri ag’okureebeka ngu yaagumya omuri Nyamityobora ag’okugaruka omumpaka za Big League hamwe n’okugarura busya amaani ga SC Villa, kiraabu ei yaabeire yaakozire nayo enyimaho

#WestSports

LEAVE A REPLY