Abaishiki kutwara n’omushango gweitu – Dr.Aceng

594
0
SHARE

Abaishiki okutwara enda; mutakyegyekyerera ahari COVID19. -Dr. Aceng

N’ebya Betty Amamukirori

Dr. Jane Ruth Aceng, Minista w’eby’amagara nashaba abanya Uganda okurekyeraho kwegyekyerera okweyongyora kw’abaishiki abarikutwara enda omu ihanga ahaburwaire bwa COVID19.

“Hatakagira owajunana COVID19. Tweena tukaremwa omurimo gweitu. Abazaire bakeebwa omurimo gw’okureberera abaana babo ahabw’okuba nibateekateeka ngu nibaba barinzirwe gye baba bari ah’ishomero. Abaana bashemereire kuba babarinzirwe twaba tubaine,” Aceng arikugamba.

Ebi Aceng yabigamba eriizooba bwanyima y’okutoongoza puroguraamu eya ‘Family Planning 2030’ ahari Serena hoteeri omuri Kampala.

Aceng yaagira ngu abaishiki kutwara enda nikiretwaho obutegyesibwa eby’omubonano hamwe n’obuzaire kwegyesa abaana babo akabi k’okutwara enda ezibateteekakire.

Bwanyima ya COVID19 kubarukaho omu Uganda, gavumenti ekakingaho amashomero nk’omuringo gw’okutanga okujanjaza oburwaire obu omu ihanga. Eriyo nehika emyaka 2 kwiha amashomero gakingwaho Okwakashatu 2020.

Oburwaire obu butakabarukireho, abaishiki kutwara enda kukaba kuri aha pasenti 25% beitu abahangu nibaagira ngu pasenti eyeyongyereire kimwe omu bwire obu obwa COVID19.

#WestUpdates

#TVWestAt10

LEAVE A REPLY