Gavumenti kutebeekanisa orufu rwa Florence Lubega

423
0
SHARE

N’ebya Umaru Kashaka

Omuhwezi wa Sipiika wa paramenti, Anita Among yaagira ngu gavumenti neija kutebeekanisa eby’okuziika omubiri gw’omuny’ishengyero omukazi ow’okubanza omu Uganda, Florence Alice Lubega.

Ebi yabigamba omu kushutama kw’ishengyero okw’eriizooba, Orwakabiri ebiro 2/11/2021.

Ishengyero ryayinamirira Lubega owafeereire ahamyaka 103 wiiki ehwaire 28/10/2021.

Lubega akaza omu ishengyero omugwa 1962 kandi akakora omu kakiiko ka paramenti ahagati y’emyaka 1958-1961.

Omu mwaka 1962, aketsimba ahantebe y’omuny’ishengyero owa Ssingo North West, obwa hati aharimu disiturikiti eza Mityana na Mubende.

Aha biro 29/10/2021, ab’eka ye bakashaba gavumenti kumutebeekanisiza orufu kandi omuhwezi wa Sipiika Among akaraganisa okukuratira enshonga egi na mukuru w’eihanga.

Ogu yashaba ab’eka y’omugyenzi kukuratira ebiragiro by’okutanga COVID19 obwo gavumenti erikutereeza eby’okuziika.

“Nk’omukazi kandi omwebembezi, ninyija kukora ekirikubaasika kugira ngu Lubega ashendekyerezibwe omu kitiinisa,” Among, kandi ori omuny’eishengyero omukazi ahabwa Bukedea nikwo yagamba.

LEAVE A REPLY