Tihaine oraikirizibwe aha paramenti atagyemeise COVID19 – Deputy Speaker

474
0
SHARE

N’ebya Umaru Kashaka

Omuhwezi wa Sipiika w’ishengyero, Anita Among yaagira ngu tihaine arikwikirizibwa kutaaha omu paramenti ataine kaadi y’okugyemesa COVID19.

“Akasheeshe aka naaragiira karani wa paramenti kureeba ngu buri muntu orikwija aha paramenti aine ekihandiiko kirikuhamya ku agyemeise oburwaire obu. Tushemereire kubuurira engiri y’okugyemesa obwo turikurwanisa akakooko aka Coronavirus omu ihanga,” Among arikugamba.

Ebi Among yabigamba akasheeshe k’eriizooba, Orwakataano 29/10/2021 aha paramenti omu rukiiko oru yaaba aine n’akakiiko ak’ab’obushoborozi bw’okutebeekanisiza eihanga.

Among, ori omuny’eishengyero omukazi ahabwa Bukedea eizooba erya nyomwabazyo, 28/10/21 agizire ngu abany’eishengyero abatakagyemeise tibarikwija kwikirizibwa okuza omu kushutama kwa paramenti kutandika na wiiki erikwija.

Omu kugamba kwa Mukuru w’eihanga, Yoweri Museveni, okubeireho ekiro kya nyomwabazyo 28/10/21, Purezidenti agizire ngu ahamuheru gw’omwaka ogu, abanya Uganda miriyooni 12 nibaija kuba baasirikirwe COVID19.

Purezidenti ayongyeire yaagira ngu Uganda neija kutunga doozi miriyooni 23 ahamuheru gw’omwaka ogu kandi naija kwigurira kimwe eihanga Okwokubanza omwaka ogurikwija.

LEAVE A REPLY