Abarikutaha omu ihanga nibetomboita

413
0
SHARE

N’ebya Chris Kiwawulo

Abashabaazi abarikutaaha omu Uganda nibetomboita ahabw’okukyererwa omu kukyebera COVID19 aha kishaayi ekya Entebbe, bamwe bagumize ngu bategyereize ekiro kyona kutunga kumanyisibwa ebirugire omukukyebera.

Abashabazi abaingi aharimu n’enduga-mahanga kwiha nyomwabazyo beejuneise emikura ya intaneeti kwetomboita kutunga ebirugire omu kukyeberwa kwa COVID19 (PCR).

“Abantu nibategyereza ekiro kyona kutunga “results” zaabo aha kishaayi ekya Entebbe!” Philippe Breul omwe aha bashabazi nikwo ahandiikire arikutonzya.

Okukyebera oku nikwijaho bwanyima y’ebiragiro 17 ebi gavumenti ehaerize kuta ahabantu abarikutaha hamwe n’okushohora aheeru y’eihanga nk’omuringo gw’okutanga COVID19 omu ihanga.

Ahari abo abarikutaaha omu ihanga, nibashabwa kushashura $30 ezirikwingana 106,609 kukyeberwa COVID19 kandi nibaba baine kutegyereza “results” zaabo batakagumeizemu n’emihanda yaabo.

Beitu abashabazi abarikushohora aheeru y’eihanga nibashabwa kworeka ebihandiiko ebirikworeka ku batarwaire omu shaaha 72 kwiha nibakyeberwa, eki nikigyenda n’ahari abo abagyemeise COVID19.

Aha rubaju orw’ekitongore ky’eby’amagara , baikiriza okukyerererwa oku beitu baagira ngu bariyo nibakora obucweka-eihembe kureeba ngu bayihaho okukyerereza abantu abarikutaaha omu ihanga aha kishaayi ekikuru ekya Entebbe.

LEAVE A REPLY