Owatorokire omu mahe atairwe amasasi yaafa omuri Mbarara

733
0
SHARE

N’ebya Fred Turyakira

Pooriisi omuri Mbarara eizooba erya nyomwabazyo etaaire amasasi yeita orikuteekateekwaho kuba aitsire kandi bakwata batahi be babiri omuri Biharwe, omu rurembo Mbarara.

Samson Kasasira, omugambirizi wa pooriisi ey’ekyanga ekya Rwizi naagira ngu oitsirwe amanyirwe nka Dick Tushemereirwe, orikugambwa kuba yaatorokire omu mahe kandi otwairwe nahiigwa ab’eby’okwerinda aha mishango y’obwitsi n’obushuma bw’embundu omuri Mbarara na Rukungiri.

Nashoborora ngu pooriisi etungire okumanyisibwa ngu Tushemereirwe areebirwe omuri Biharwe nikwo kumushanga ayesherekire omu kishaka omuri Rugarama cell omuri Biharwe.

Ogu agyerizeho kurwana n’ab’eby’okwerinda n’okubeihaho embundu nikwo aba pooriisi kumuteera amasasi kwenda ngu atakora akareebure.

Omubiri gwe gutwairwe omu kabafu ah’irwariro erihango erya Mbarara kukyeberwa.

Tushemereirwe, hati ori omugyenzi n’abandi batahi be babiri, Dominic Twinomugisha na Kasim Ayebazibwe abari omunkomo ya pooriisi nibagambwa kuba babaire baine akakwate omu kwitwa kwa OC wa Ruharo, Richard Agaba owaitsirwe okwezi okuhwaire.

Embuundu ye eyibiirwe ey’ekiika ekya SMG ekaija yakwatirwa omuri Rukungiri n’amasasi 10 omu kwiba kw’embundu omu duuka eya ‘For God Electronic’ omuri Rukungiri wiiki ehwaire ahi abantu babiri baitsirwe.

LEAVE A REPLY