Uganda neija kusingura abazahambuki – VP Jessica Alupo.

270
0
SHARE

Omuhwezi wa mukuru w’eihanga Jessica Alupo yaagira ngu eihanga niriza kusingura abeinazi abategyire za bomo

“Abazahambuki abarwaniise eihanga omumyanya ebiri barikutega za bomo n’abanyabwoba kandi nituza kubasingura ” Omuhwezi wa Purezidenti Jessica Alupo.

Yayongera yaagira ngu nibeija kwongyeramu amaani kurebeka ngu abazahambuki aba basingurwa kandi eihanga ryasigaza obusingye bwaryo.

Jessica Alupo yagamba ebi eriizooba akasheeshe ah’eirwariro erya St. Francis omuri Nsambya obu yaaba atayaayireho Adrian Kwetegyereza omwe aha bantu abatairwe bomo.

Kwetegyereza ori omudumizi wa pooriisi ya Bushenyi niiwe omwe aha bantu abahoonire bomo ebarukire omu baasi ya Swift Safaris nyomwebazyo omuri Mpigi.

Omuhwezi wa Purezidenti yaheereza ab’eka ya Kwetegyereza sente z’okubayamba kumujanjaba.

Bomo y’omubaasi egyi ebeireho bwanyima y’ekiro kimwe bomo kubarukaho omuri Komamboga omuri Kampala.

Omuhwezi wa Purezidenti yayamba n’ezindi famire ezifeereirwe abantu baabo omu bomo ibiri ezibarukireho.

LEAVE A REPLY