Omushaija ofeereire omu baasi eya Swift Safaris abaire ari omuzahambuki -Museveni

379
0
SHARE

N’ebya Charles Etukuri

Omushaija ofeereire omu baasi y’ekiika ekya Swift Safaris bwanyima ya bomo kubaruka abaire ari omuzahambuki kurugirira ahari Purezidenti Yoweri Museveni.

“Omushaija ofeereire omu baasi eya Swift ebaire neruga Kampala kuza Ishaka nyomwabazyo abaire ari omuzahambuki (mutujju) kandi amanyirwe nka Muzafala n’obu araabe atwaire nayeyeta Isaac Matovu,” Museveni nikwo yagamba akasheeshe aka.

Beitu Purezidenti yaagira ngu ekitakashoborokirwe ni Muzafala yaaba abarukire na bomo aha bibero atakimanyire ninga akikozire akigyendereire. 

Muzafala afiire omwabazyo gw’Orwokubanza 25/10/21 obu bomo ebarukire omu baasi y’ekiika ekya Swift Safaris namba UAU 989T aha mwanya ogwa Lungala,disiturikiti eya Mpigi aha ruguuto orwa Kampala-Masaka.

“Ogu atwaire nakuratirwa aba pooriisi abarikucondooza aha buzahambuki kandi boona nitweija kubatunga.Ogu n’omwe aha guruupu ya Pader basindikirwe abahekyera ab’ekigombe ekya ADF kutera bomo ahakuzika kwa Maj.Gen Lokech.Omwe owamanyirwe nka Katumba Abdu akakwatirwa omu hoteeri omu Pader n’eby’okukoresa bomo kandi akatwarwa omu maisho ga kooti,” Museveni arikugamba. 

Purezidenti yaagira ngu mutahi wa Muzafala, Hamid Nsubuga akahunga Pader yaaza Kampala ahu yeitsirwe abasirukare ba CMI obwo arikwanga kukwatwa.

Purezidenti Museveni yaagira ngu pooriisi neija kutaha engyenderwaho z’okukwata abahekyera n’abazahambuki beitu okuhutara kw’abanya Uganda ababaire bari omu baasi egi n’eky’obusaasi.

LEAVE A REPLY