Pooriisi yaahamya okutaahirirwa kwa Nambooze

158
0
SHARE

N’ebya Umaru Kashaka

Pooriisi yaahamya ku omuny’eishengyero wa munisiparite eya Mukono, Betty Nambooze ataahiriirwe ab’ebihoro.

Nambooze ow’ekibiina ekya National Unity Platform (NUP) akasheeshe k’eriizooba yaagira ngu abainazi abamutaahiriire babaire nibenda kumwita.

Ogu yagambira abanyamakuru omumaka gye omuri Mukono ngu omwe ahabamutaahiriire agiire omukishengye kye n’omuhoro nikwo kumugambira ngu ashabe eshaara ye ey’ahamuheru ahabw’okuba abaire naaza kufa.

Ogu yaagira ngu omushaija we Bakireke abaire ari omumuryango eshaaha egyo ahu arikukira kuba nashabira omu kasheeshe.

Nambooze nateekateeka ngu omwinazi ogu ataahire omunju bwanyima y’abaana ababaire baashohora omunju kukora emirimo y’ahaka.

Yashoborora ngu omwinazi ku amuhaire omugisha kushaba ogw’ahamuheru, atungire obumanzi bw’okutera omuranga nikwo iba kweija akarwana n’omwinazi Ogu kuhisya obu ashohoire omunju akaheeza akaza aha boda boda ebaire emutegyereize.

“Bwanyima y’okuhona okwitwa, nyetooroire omumbuga nashangamu emihoro omukavera ekirikworeka ngu abantu aba babaire baizire kucwekyereza amagara gangye.”- Betty arikushoborora.

LEAVE A REPLY