Mugume n’obucurera-Enanga

247
0
SHARE

Akakiiko akarikukurira eby’okwerinda omu ihanga kahaamize abanya Uganda kuguma n’obucurera oihireho okuraburwa kw’ebitebe bikuru ebya Bungyereza hamwe na France okw’abazahambuki ahari Uganda.

Omu kihandiko ekishohozibwe pooriisi nyomwabazyo, omugambirizi w’akakiiko aka kandi ori omugambirizi wa pooriisi, Fred Enanga , ashabire abanya Uganda kuguma n’obucurera.

“Nk’okumurikukimanya ngu ebitebe bikuru bya Bungyereza na France bikarabura abarikwenda kwija omu Uganda kuhabaasa kubaho okutahiriira kw’abahekyera omu Uganda, bakagumizamu bashaba abantu baabo kwegyendesereza omu mirimo yaabo eya buraijo.”-Enanga arikugamba.

Beitu Enanga agiizire ngu ab’eby’okwerinda nibarinda amagara g’abanya Uganda hamwe n’abarambuzi abari omu ihanga hamwe n’enduga mahanga.

Ayongyeire yaagira ngu bakwatsire abantu 13 abarikuteekateekwa kuba bari abahekyera.

Enanga ahaamize abanya Uganda obuterarikirira agumize ngu n’omurimo gwaabo kurinda abantu n’ebintu byaabo.

N’ebya Chris Kiwawulo

LEAVE A REPLY