Pooriisi eshangire omubiri omu suwegi haihi na KIU

307
0
SHARE

N’ebya Charles Etukuri

Pooriisi omuri Kabalagala eizooba rya nyomwabazyo bashangire omubiri gwa Leonard Kato, omurinzi obaire nakora na kampuni eya Timecop Security Group guzingirwe omu suwegi haihi n’ekishaayi ky’eitendekyero erya Kampala International University (KIU).

Omubiri ogu nigugambwa kuba gunagirwe omu suwegi abainazi abatakamanyirwe ekiro ky’Orwamukaaga ahabw’okuba abataahi nibagira ngu bakareeba omugyenzi omwabazyo ogwo.

Omuhwezi w’omugambirizi wa pooriisi eya Kampala hamwe n’ebyanga ebigyehinguririize yaagira ngu batandikire okucondooza ekiitsire omugyenzi.

Beitu naagira ngu amakuru agu batungireho nigagira ngu Kato nabaasa kuba yaitsirwe bwanyima y’okubuganaho muhara w’omutaahi akamugambira oku arikumukunda.

“Omwishiki nagambwa kuba agambeire ishe otaahiriire amaka ga Kato nikwo kurwana. Kato akatoroka beitu omubiri gwe kushangirwe omu suwegi nyomwabazyo.” -Owoyesigire nikwo arikushoboorora.

Omubiri gwe gutungirwe bwanyima y’abatuura ababaire nibazaanira omupiira omu kishaayi haihi nikwo kureeba eshagama. Ku bahikire haihi n’omwanya ogu bashangire suwegi eigwire n’omubiri gw’omugyenzi gunagirwemu.

Emmanuel Musiimenta, manegya wa kampuni eya Time Cop yagambira New Vision ngu Kato akaba nakora naabo beitu akarekura yatunga omurimo ahandi.

Okwamunaana omwaka ogu, pooriisi ekashanga omubiri gwa Immaculate Onebe, 62, omutuura wa Munyonyo owabaire abuzire kwiha Okwokubanza 2021.

Beitu iba Francis Onebe n’ondiijo murinzi Oriokot bacwereirwe ogw’obwitsi kwiha obwo.

#WestUpdates | #VisionUpdates

LEAVE A REPLY