3 baafeera omuri butandu aharwa Mbarara – Ntungamo

1264
0
SHARE

Adella Mbabazi, RWAMPARA.

Abantu 3 nibo baafeeraho kandi abandi bakatunga obuhuta omuri butandu eyaaba aharuguuto nyeigyendwa orwa Mbarara -Ntungamo haihi n’amaduuka ga Rugando bwanyima ya Bismarkan ehandiikire omu namba UAQ 079W kushengura motoka ya Carina (UAV 977P) ahari shaaha nka 4 omukasheshe k’eriizooba

Abaayereebera n’agaabo baagambira TV West ngu baasi erikuruga Mbarara, hoona eyaaba eri ahanjungu y’amaani yaaba eriyo negyezaho kuraba ahamotoka eyaaba erinzire owa boda kubanza kutaaha omuruguuto nikwo bus kubashengura nabo bakashengura abaaba bari aha boda, ahari Rwemiyenje omuri Rugando, Rwampara.

2 abaaba bari omumotoka ya Carina baafa, omuvugi wa boda yaafa, ou baaba baheekire yacwekaho omukono baamwirukangiza omu irwariro beitu hoona abaaba bari omu bus boona baahonokaho.

Omumwanya nigwo gumwe, butandu kandi hoona ey’omuringo nigwo gumwe eherize kubaho aha Sande nayo neyegyekyererwa ahamuze gw’okuvuga enjungu.

Okurugiirira ahari ripoota kuruga omu poorisi ey’eby’ahanguuto, abantu barikuhika omuri 229 nibo bahwerekyerereire omuri butandu z’ahanguuto omukwezi kwa 9.

Kandi okucondooza nikwongyera kworeka ngu abantu barikuhika 3,000 baingi abarikuba bari abashaija b’emyaka mito nibo barikuhwerekyererera omuri butandu z’ahanguuto buri mwaka omuri Uganda

#WestUpdates

LEAVE A REPLY