Omwiruki Agnes Tirop, yashangwa acumitsirwe, afiire omunju ye

246
0
SHARE

Omwiruki rurangaanwa owa Kenya, Agnes Tirop, owajwekyeire Kenya omumpaka za Tokyo eza 2020 omuri Japan yashangwa afiire omunju ye omuri Iten, amakuru omuri Kenya nikwo garikugira.

Tirop yashagwa n’ebironda omu ibondo ebirikworeka ku acumitsirwe.

Ekibiina ekirikukurira eby’emizaano ekya Atheltics Kenya Federation kyashasha n’ab’eka ya Agnes kurugiirira omukihandiiko eki baashohoza eriizooba.

“Eihangwe ry’eriizooba twamanyisibwa ahakufa kw’omwiruki owasingwire omudaari gwa BRONZE omunsi ogw’okwiruka mita 10,000. Tirop yashangwa omunju ye afiire owaabo omuka bwanyima y’okuteekateekwaho kuba aitsirwe iba. Tukiriho nitucondooza kumanya ebirikukiraho ebikwatiraine n’okufa kwe.

Kenya yaafeerwa omuringa gw’omuhendo kandi hoona obaire naija kurahuka kuza aharurengo rw’ensi yoona ahabw’okuba abaire naakora kurungi omukishaayi,”

Akaza omumpaka z’abakazi eza 5,000 omu Olympics za Tokyo ez’omwaka 2020 ahi yaahendereire omugwa 4 omukwiruka okwasingirwe Sifan Hassan owa Netherlands.

Akasinga omudaari gwa GOLD omumpaka za Africa ezaabeireho omugwa 2013 omuri Kampala.

Omugwa 2019 akaza omumpaka z’ensi yoona ezabeireho omururembo London omuri Bungyereza kandi nabwo nikwo kusinga omudaari gwa BRONZE omukwiruka mita 10,000.

Okwezi okuhwaire, Tirop ateireho ekyafaayo obu ayiruka kilo mita 10 omudakiika 30 omumpaka za Adizero Road to Records ezibeire ziri omuri Bugirimaani omuri Herzogenaurach.

#WestSports

LEAVE A REPLY