Pooriisi yaarabura ekigombe ekya People’s Front for Transition

241
0
SHARE

Pooriisi yaarabura bakuru b’ekigombe eky’orubaju oruhakani ekya People’s Front for Transition (PTF) obutagiraho enteerane ezitaikiriziibwe.

Omugambirizi wa poorisi, Fred Enanga yaagira ngu batungire okumanyisibwa ngu ekigombe eki kitebeekaniise okugiraho enkiiko hamwe n’enteerane omu butare n’endiijo myanya erikuhikwamu abantu baingi.

“N’obu buraabe buri obugabe bw’abanya Uganda kugiraho enkiiko, beitu enkiiko n’enteeraane zoona zishemereire kutebeekanisibwa obwo zirikukuratira ebiragiro bya Minisiture y’eby’amagara eby’okutanga #COVID19 omu ihanga.” – Fred Enanga arikugamba aha kitebe kikuru kya pooriisi omuri Naguru, Kampala eriizooba.

Pooriisi akasheeshe k’eriizooba yakingaho omwanya ahu ekigombe kyaba kiri eky’okugiraho orukiiko aha ofiisi z’ekibiina ekya JEEMA omuri Mengo, diviijoni ya Rubaga shaaha 5.

Ekigombe eki kikatongozibwa Orwakana oruhwaire.

Owabaireho Mukuru w’ekibiina ekya FDC, Dr.Kizza Besigye akatooranwa kukurira ekigombe eki obwo arikuhwerwaho Meeya w’orurembo Kampala, Erias Lukwago.

Ekigyendererwa ky’ekigombe eki n’okuheereza Purezidenti Yoweri Museveni kaadi ya kyenju ’Red Card’ nk’akamanyiso k’okumubinga omu bwebembezi.

LEAVE A REPLY