Deputy Speaker Among yashaba gavumenti kushoborora ahabantu 19 ababuziire

156
0
SHARE

Orikukurira orubaju oruhakani omu ishengyero ry’eihanga,Mathias Mpuuga yashaba gavumenti kushoborora aha nshonga y’abanya-Uganda 19 abakiburiize amaisho.

Kurugirira ahari Mpuuga, abantu 19 aba bakabuza amaisho kwiha omu karuuru k’eihanga akateirwe Okwokubanza omwaka ogu beitu na hati ekirari kyaabo tikikamanyirwe.

Mpuuga agambiire ishengyero ngu enshonga egi akagigambaho bwanyima y’okugamba kwa Purezidenti aha mbeera y’eihanga ey’omwaka ogu (State of the Nation Address) kwonka tihaine ekyakozirweho.

Omuhwezi wa Sipiika w’eishengyero, Annita Among yaaragiira gavumenti kushohoza ekihandiko kirikushoborora ahabantu 19 ababuziire,nk’oku Mpuuga agambire omu maisho ga paramenti.

Among yaagaruka yaayeta orukiiko ahagati ya gavumenti hamwe n’orubaju oruhakani omu wiiki eki orurikweija kuba omu offiisi ye kugamba aha nshonga niyo emwe.

#WestUpdates

LEAVE A REPLY