Civil Aviation Authority yaashabwa okushoborora aha kubura amashanyarazi aha kishaayi-Entebbe

252
0
SHARE

Ekitongore ekirikujunanizibwa ahaby’enyonyi omu eihanga ekya Civil Aviation Authority kyaheebwa ebiro bibiri kuba kyashoboreire aha kurugaho kw’amashanyarazi aha kishaayi Entebbe wiiki ehwaire, ekyareteire emirimo yayeemerezibwa aha kishaayi.

Eki kyashabwa obu ekitongore eki kyabuganaho n’akakiiko ka paramenti aka COSASE eizooba eri.

Aba Civil Aviation Authority erizooba baba bari aha paramenti okugarukamu ebibuuzo ebirugire ow’omubazi w’ebitabo mukuru hamwe n’okumanyisa aha kwombeka okurimu nikugyenda omumaisho aha kishaayi ky’enyonyi.

Omu rukiiko ori, abanyeishengyero babuuza ahabw’enki amashanyarazi garugireho Orwakabiri oruhwaire ekyaretsire enyonyi zitakubaasa kugwa ninga shi okuguruka .

Amakuru nigoreka ngu ekizibu eki kikaretera enyonyi ezabeire zeine kuguruka zaheeza eshaaha 1 zitagurukire.

LEAVE A REPLY