Cheptegei n’ow’okwanjurwa omukyara we okwezi oku

433
0
SHARE

N’ebya Javier Silas Omagor

“Akanshaba ngu nze omubushwere nawe obu yabeire ari owa buriijo turi omunju y’ekishengye kimwe”

Oku nikwo Caro Yeko Kamari agarukiremu abanyamakuru bwanyima y’okumubuuza omwiruki rurangaanwa Joshua Cheptegei oku yaabandize kumubuuza ahaby’obushwere.

Ababiri aba bakabugana omugwa 2014 ahari Christ Alive Glorious Church omuri Kapchorwa ahi bombiri baabeire bari ba memba b’amaani omukanisa egi.

Amazima, enteekateeka ye, okukunda ruhanga hamwe n’obwesigwa nibyo bintu ebi arikugira ngi nibibaasa kushoboorora kurungi Cheptegei ngu kandi nibyo byareeteire yaikiriza kuba nawe.

Omugwa 2014 obu anshaba kuza nawe omubushwere, nkagira nti kare, n’obu araabe akiine kukora n’amaani obwa hati kwonka reka nyikirize reeru ebindi mbirekyere Ruhanga,” Kamari nikwo arikwijuka.

Obwa hati Cheptegei niwe aine omudaari gw’ensi yoona (Doha 2019) kandi niwe yatwire n’emidaari ya SILVER na GOLD (Tokyo 2020) kandi akasingaho n’empaka z’abairuki ab’ahansi omuri Oregon Amerika omugwa 2015.

Ogu kandi enzaarwa ya Kapchorwa niwe mukama w’ebyafaayo omukwirukanga mita 5,000 na 10,000 aharurengo rw’eihanga hamwe n’omunsi yoona

Cheptegei obwa hati niwe munyamizaano owa Uganda owaaragizire emidaari mingi munonga.

Obwa hati, kuta obushwere bwabo kubukora omubutongore, Cheptegei n’omukyara Kamari nibaija kweyanjura 30.10.2021

Cheptegei, 24, naagira ngu n’ekitiinisa ky’amaani kushanga ngu bariyo nibairira eizooba ry’okuta obushwere bwabo omubutongore.

“Tindikuroota eizooba eryo rirkuhika. Nimpurira ninyenda ngu ebintu tubikore omubutongore…” Cheptegei, owashomeireho ahari Busitema University nikwo arikugira.

Ogu hoona nabwo atwire arikwesiimisa omukundwa we, Kamari, ahabw’okuguma namushagika obutoosha kandi arikushaba munonga, ebintu 2 ebi arikugira ngu bikozire omurimo gw’amaani omukusingura kwe oku ahikireho aharurengo rw’ensi yoona.

Kamari hoona ku abuuziibwe ahabw’enki atwireho kwanjura Cheptegei omubazaire be, agizire ngu omukundwa we akaba nayetaaga obwire kubanza yaata ebiteekateeko bye ahabi arikukora.  

“Buri kimwe kiine obwire bwakyo. Akaba aine kubanza yaata amaisho ahamirimo ye y’okwiruka kandi akaza n’omumpaka zitari zimwe na zimwe ez’okwiruka aharurengo rw’eihanga hamwe n’ensi yoona,” nikwo Kamari arikugira.  

Kamari ni inginiya kuruga ah’eitendekyero rya Ndejje, omuri Kampala. Niwe yaateire puraani kandi akebembera emirimo y’okwombeka amaka gaabo omururembo rwa Kapchorwa.

Kamari naija kwanjurira abazaire be omushaija we omumaka gaabo omukyaro kya Cheborom, omuruka gwa Kaptuum omu disiturikiti ya Kween.

Nazaarwa omugyenzi Stephen Chesang Sukuku hamwe Jessica omuri Kween

“Ninyanjura Josh ahabw’okuba agumire ari omuntu w’amazima, omwesigwa kandi orikukunda Ruhanga,” nikwo Kamari arikugira.

Ogu naagira ngu ekintu ekihindukire ahari Cheptegei n’ahi arikubiika emidaari ye agumize ngu oyihireho ebyo, agumire nk’oku atuura omumitwarize ye.

Bwanyima y’okutandika empaka kandi akaziheza n’amaani, Cheptegei n’ab’eka ye hati bari omururembo Kapchorwa kandi bariyo nibeeteekateekyera emikoro y’okwanjura.

Bamwe omubairuki aharurengo rw’eihanga hamwe n’ensi yoona oteiremu munywani waabo omukika kandi omwiruki mutaahi we Eliud Kipchoge owa Kenya baahamize ku barikwenda kuba bari ahamukoro ogu

#WestSports

LEAVE A REPLY