Butandu omuri Rukungiri, omwe afiire

304
0
SHARE

Omushubuuzikazi  w’amaani omuri Rukungiri afiire arikuza omu irwariro bwanyima y’okutunga butandu obu abaire natambura  naiba.

Kurugirira ahari Pooriisi, butandu egi ebaireho ebiro 28/09/21 omu ka tauni ka Kampala aharuguuto nyeigyendwa orukuruga Kanungu kuza Rukungiri.

Kurugirira aha mugambirizi wa pooriisi ey’ekyanga kya Kigezi, Elly Maate ofiire amanyirwe nka Hope Ekyasiimire obaire natamburira omu motoka ebaire nevugwa iba Benard Owoyesigire kandi nawe atungire obuhuuta bw’amaani.

Maate nagira ngu butandu egi ebaireho shaaha 2 z’ekiro obu motoka y’ekiika kya Mark II erikwiragura namba UAL 273T. Ekyasiimire niwe wenka obaire ari omushabaazi kandi afiire arikutwarwa omu irwariro Nyakibale ahu abaire natwarwa kutunga obujanjaabi.

Omu pooriisi AIP Amara Godfrey niwe ayebembeire abagiireyo bakarambura omwanya ahu butandu ebereire nikwo kutwara motoka aha poriisi ya Kambuga obwe barikucondooza ekireesireho butandu egi.

LEAVE A REPLY