Pastor yakwatwa ahabw’okutoroboza ow’emyaka 16

246
0
SHARE

Pooriisi omu rurembo orwa Jinja yakwata Pastor ahabw’okutoroboza omwishiki w’emyaka 16.

Pastor ogu yamanywa nka Robert Masiga,40,ow’ekanisa eya “Christ is the Answer.”

Charles Twiine,omugambirizi wa pooriisi erikukurira eby’okucondooza yaagira ngu bwanyima y’okucondooza, omuheereza wa Ruhanga ogu ashangirwe n’abaana 32 omumakagye. Abaana aba bari ahagati y’emyaka 3-18.

Twiine yaagira ngu bariyo nibamucondooza emishango y’okuguza abantu ahansi y’eiteka ery’okuguza abantu ery’omwaka 2009.

Ahansi y’eiteka eri, orikushangwa arikuguza abaana, okutwara ebicweka byabo by’omubiri kubihonga,okubitwara omu bafumu ninga okubikoresa obuhenda biragiro, nocweerwa ogw’okufa omumbuga z’amateka.

LEAVE A REPLY