Cricket: Uganda Vs Namibia

466
0
SHARE

Uganda nekwatana na Namibia omumpaka z’okusherura orazaane eza ICC World Cup ez’ab’ahansi y’emyaka 19 n’ekigyendererwa ky’okutunga obusinguzi omururembo omuri Kigali omuri Rwanda.

Nibaija kuba nibarwanira omwanya gumwe kujwekyera Africa ahampaka z’ensi yoona omu Caribbean omwaka ogurikwija.

Omuringo gw’empaka ezi ahi buri tiimu erikuzaana n’abandi boona tigurikwetengyesa tiimu n’emwe kugira ahi yaakora enshobi kandi amahanga agari omumpaka ezi n’abataayayeire empaka ezi ni, Rwanda, Nigeria, Tanzania, Namibia, Uganda

Hati aho Uganda eine kukora ekyafaayo omumpaka ezi ahabw’obumanyi obu bainemu. Abazaani nka kaputeni waabo,  Pascal Murungi, Ismail Munir na Juma Miyagi abaagyeire Namibia emyaka 2 ehweire baine kwebembera abataahi baabo kusherura obusinguzi

Ahamyaka 18 yonka, Miyagi orikutandika omuzaano ahabwa Uganda agizire ngu tiimu neremesibwa okubura obumwe ngu kandi we nk’omukuru omu tiimu egi naamanya eky’okukora.

“Oguhwaire aboojo boona bakaa batarikukwatanisa kandi abamwe bakaba batarikuhirira abatendeki kwonka ahamurundi ogu ekikoosi eki nikihurikiriza ebi barikutugambirakandi nitukora ebi tushemereire kuba nitukora,” nikwo arikugira.

Miyagi asiimire okutendekwa hamwe n’enkambi ei barimu hamwe n’ebigambo by’obwengye kuruga ow’omutendeki waabo Ivan Thawithemwira batakagiire omumpaka.

“Twegire ahabintu bitari bimwe na bimwe ebikwatiraine n’omuzaano ogu hamwe n’ebirikuha abazaano omuhimbo kwenda twegyere ahabyatubeireho enyima kandi ebirungi ebi twayegire tubikorese omumizaano egi. Kandi hoona nabwo ebibi nitugyezaho kubyetantara kwenda ngu tugaite ebirungi byonka ebiratuhwere kusingura omurundi ogu,” Thawithemwira nikwo arikugira.

Kandi hoona ekitakaayeba eigamba n’okugira ngu omupiira ogwa Uganda nigwo mupiira gw’amaani eriizooba n’ahabw’ekyo kiri ahari Uganda kutandika kurungi munonga aha ihanga nka Namibia.

LEAVE A REPLY