Balungu ashemereirwe n’okugaruka kwa Basketball

328
0
SHARE

N’ebya Charles Lwanga

Omuzaani rurangaanwa ow’omupiira gw’engaro ogwa Basketball wa tiimu ya Dudus James Balungu naagira ngu aine okushemererwa ahabw’okugira ngu omupiira gw’empaka guriyo nigugaruka omunshumi nkye.  

“Nshemereirwe ahabw’okugira ngu omupiira guriyo nigugaruka bwanyima y’okumara ameezi 4 tutarikuzaana,” Balungu nikwo agizire.

Eki akigambire bwanyima ya tiimu ye kusinga empaka za Game of Zones ezibeireho omuri Kireka Recreation Park omu wiikendi.

Omuzaano ogu guzaanirwe omumuringo gw’abazaani 3 ahabandi kuhayana ekibareeteire kworeka orurengo rw’amaani omukuhayana ekintu ekibaire kitarikuteekateekwa kubaho obwo emizaano etandikire.

Tiimu 8 weegaitsire omumpaka ezi kandi ezi zibaire zirimu Soroti, Dudus, Eunice, ODK, Woopers, Jammers Pirates na Yasser.

Nelson Mukwaya, obaire atebeekaniise empaka ezi ayokire okushemererwa kw’amaani ahabw’abazaani abahikire omumpaka ezi kandi yaaraganisa ku arikwija kubareetera baaguma nibazaana hamwe n’okuguma nibazaanira omubicweka bitari bimwe na bimwe eby’eihanga. “Twine amatsiko ngu nitwija kukora gye empaka ezi kandi tugaruky tuzitware n’omubicweka ebindi eby’ihanga,” Mukwaya nikwo agizire.

Ogwa kamariirizo guhwaire:
Dudus 17 pirates 14

#WestSports

LEAVE A REPLY